នាព្រឹកថ្ងៃទី៦ ខែកក្កដា ឆ្នាំ២០២៥ លោកជំទាវបណ្ឌិត អ៊ុក ម៉ាលី សមាជិកាគណៈកម្មការទី២ព្រឹទ្ធសភា និងឯកឧត្តមបណ្ឌិត ម៉ា ឈឿន អ្នកតំណាងរាស្រ្តមណ្ឌលកំពង់ចាម ព្រមទាំងក្រុមគ្រួសារ បានអញ្ជើញប្រគេនទេយ្យវត្ថុ ទេយ្យទាន និងបច្ច័យជូនវត្តចំនួន៥ រួមមាន៖ ១-វត្តអង្គតាសោម ២-វត្តអង្គរត្នោត ៣-វត្តអង្គខ្ញាយ ៤-វត្តវេឡុវ័ន និង៥-វត្តប្រាសាទ ស្ថិតក្នុងស្រុកត្រាំកក់ ខេត្តតាកែវ ដែលជាស្រុកកំណេីតរបស់លោកជំទាវបណ្ឌិត។
ក្នុងវត្តនីមួយៗទទួលបាននូវ៖ ទៀនវស្សា ២គូ អង្ករ១០០គីឡូក្រាម ភេសជ្ជៈ៧កេស ទឹកបរិសុទ្ធ៨កេស មី១០កេសតូច ត្រីខកំប៉ុង១កេស និង២យួរ ទឹកដោះគោខាប់១កេស និង៥កំប៉ុង សាច់ក្រក១កេស ទឹកត្រី៦យួរ ទឹកស៊ីអ៉ីវ៦យួរ ស្ករស១២គីឡូក្រាម ទេយ្យទាន១កន្រ្កក ផែ្លឈើ១កន្រ្តក និង១ថង់ កាហ្វេ៣កញ្ចប់ធំ តែ៦កញ្ចប់តូច អំបិល២គីឡូក្រាម ទានតូច១ដុំ ធូបតូច១ដុំ ប្រេងឆា១ដប ធូបធំ១ដុំ អំពូលសូឡា២គ្រាប់ និងបច្ច័យកសាងសម្រាប់វត្តនីមួយៗចំនួន ៣.៨០០.០០០រៀល។ បន្ថែមពីលេីនេះ ប្រគេនព្រះសង្ឃ ៥អង្គ ដោយមួយអង្គទទួលបាន ស្លាដក់១កញ្ចប់ ចង្ហាន់ ១ស្រាក់ និងបច្ច័យ ៧៦០.០០០រៀល ។
ប្រភព៖ ការិយាល័យជំនួយការគណៈកម្មការទី២ព្រឹទ្ធសភា
